विश्लेषण
- हालसम्म ३० वाणिज्य बैङ्कले साधारण शेयर निष्कासन गरिसकेको र यो बैङ्कले निष्कासन गर्न लागेको साधारण शेयर वाणिज्य बैङ्कहरूको अन्तिम हो । नेपाल राष्ट्र बैङ्कमा ३०औं वाणिज्य बैङ्कका रूपमा दर्ता भएको यो बैङ्कको साधारण शेयर नेपालमा हालसम्म निष्कासन गरेको साधारण शेयरहरूमध्ये दोस्रो ठूलो सङ्ख्याको पनि हो । योभन्दा अगाडि कृषि विकास बैङ्कले ९६ लाख कित्ता शेयर निष्कासन गरेको थियो ।
- इक्रा नेपालको क्रेडिट रेटिङअनुसार यस बैङ्कको आईपीओ ‘ग्रेड ४’ मा परेको छ । क्रेडिट रेटिङमा ग्रेड १ लाई सबैभन्दा राम्रो आधारभूत विश्लेषण मानिन्छ भने ग्रेड ५ सबैभन्दा खराब आधारभूत विश्लेषण भएको मानिन्छ । यसरी क्रेडिट रेटिङ गरी साधारण शेयर निष्कासन गर्ने यो तेस्रो कम्पनी हो ।
- बैङ्कले प्रकाशित गरेको प्रक्षेपित वित्तीय विवरणअनुसार हाल लगानी गर्ने लगानीकर्ताहरूले आव २०७१/७२ देखि क्रमशः २ वर्षसम्म प्रतिफलस्वरूप नगद लाभांश मात्र पाउने सम्भावना देखिन्छ । उक्त अवधिभर बोनस शेयर पाउने सम्भावना कमै देखिन्छ ।
- बैङ्कको वित्तीय अवस्थामा उल्लेख्य सुधार भएकाले हाल वित्तीय अवस्था मजबुत नै देखिन्छ । साथै, कम्पनीको सञ्चालक तथा व्यवस्थापन पक्ष राम्रो भएकाले आगामी दिनहरूमा वित्तीय अवस्था अझ मजबुत हुँदै जाने सम्भावना बढेकाले लगानीकर्ताहरूले राम्रो प्रतिफल पाउने सम्भावना देखिन्छ ।
- अल्पकालीन समयमा लगानी गर्ने लगानीकर्ताहरूका लागि पनि यो बैङ्कको शेयर उपयुक्त नै देखिन्छ । हाल लगानी गरी कम्तीमा ३ महीनासम्म आफ्नो लगानीको कम्तीमा ३० देखि ५० प्रतिशत प्रतिफल पाउने सम्भावना भएकाले लगानीकर्ताहरू प्राथमिक बजारतिर आकर्षित हुने गरेका छन् । साथै, उक्त प्रतिफल दर बजार वृद्धि भएको अवस्थामा अझ बढ्ने सम्भावना देखिन्छ । साधारण शेयरमा लगानी गर्दा जोखीम न्यून हुने भएकाले विशेषतः नयाँ लगानीकर्ताहरूका लागि उपयुक्त हुने देखिन्छ ।
- हाल यस बैङ्कको प्रतिशेयर किताबी मूल्य रू. १ सय १२ रहेको छ । हालको किताबी मूल्यलाई आधार मान्दा यो बैङ्कले साधारण शेयर निष्कासन प्रक्रिया पूरा गरी नेपाल स्टक एक्सचेञ्जमा सूचीकृत हुँदासम्म रू. १ सय ८० देखि रू. ३ सयसम्ममा कारोबार हुने देखिन्छ ।
शम्भु काफ्ले
ज्याम टेक्नोलोजिज प्रालि
Pls, follow the below link to read in details. Thank you,
http://abhiyan.com.np/article-lagani_25poush2070_century
Source: Abhiyan Rastriya Dainik